काठमाडौं । नेपाली राष्ट्रिय फुटबल टिमका मिडफिल्डर मनिष डाँगी बहराइन क्लब ‘इत्तेहाद अल रेफ’ क्लबमा अनुबन्धन भएका छन् ।
बहराइनको अमेच्योर फुटबल क्लब इत्तेहादले मनिषलाई आगामी सिजनको लागि अनुबन्ध गरेको सामाजिक सञ्जाल इन्स्टाग्राममार्फत जानकारी दिएको हो।
२० वर्षीय मनिषले च्यानम्पियन मच्छिन्द्र एफसीबाट गत सिजन ए डिभिजन लिग खेलेका थिए। मनिषले २०२१ मे मा इराकविरुद्ध राष्ट्रिय टिमबाट डेब्यू गर्दै गोल समेत गरिसकेका छन्।
दक्षिण कोरियामा फुटबल सिकेका उनले नेपालको यू–१९ र यू–२३ टिमबाट समेत खेलिसकेका छन् ।
